ساهلة و لذيذة

الروز بالزعتر  -الروز كلاصي  -3 خيزوات مقطعين مربعات صغيرة.  -2 فلفلات خضرين ولا اي  نوع بغيتو ديال الفلفلة.  -3 ديال ملاعق الزيت الرومية  -الملح -الابزار -الخرقوم -ورقة  موسى  - الزعتر  -3 ملاعق زيت الزيتون.  كناخدو الروز من بعد ما غسلناه وصفيناه  كنوضعوه ف كوكوت ولا كاميلا كنزيدو علية الزيت الرومية كنضيفو التوابل و ورقة  موسى والزعتر وكنبقاو نحركو مزيان واحد 5دقائق وكنضيفو الماء حتى كيتغطى على  الروز.كنسدو عليه فوق نار مهيلة لمدة 15 دقيقة. من بعد كنفتحو عليه ونزيدو زيت  الزيتون ونقدمه مرافق مع الدجاج مشوي او طبق السمك في الفرن او مقلي.....

كراتان بالبطاطا والكبدة : -1/2 كيلو بطاطا  -كبدة(  بالنسبة لشخصين 10 دراهم كافية) -بصلة كبيرة مشلضة -ملعقة كبيرة ديال الربيع مكرض مع 2فصوص ديال الثومة -التوابل (ملح،ابزار،تحميرة،خرقوم) -فرماج احمر مبشور -صوص بيشاميل طريقة تحضير البيشاميل: 2ملاعق  زبدة+ 3 ملاعق فورص + 1/2لتر حليب+ ملح و شوية ابزار+ كوزة محكوكة. كناخدو كسرونة كنحطوها فوق النار،كنزيدو الزبدة حتى كتذوب وكنزيدو الفورص مع التحريك حتى كيتجمع هاداك الخليط وكنبداو نزيدو الحليب بشوية بشوية مع التحريك المستمر ومن الأحسن بالطراب اليدوي وكنزيدو شوية الملح ثم شوية الكوزة محكوكة وكنبقاو نحركو حتى كيبدا يعقاد الخليط وكنحيدوه من فوق النار. ▪طريقة التحضير: -أول حاجة كناخدو البطاطا كنقيوها ونقطعوها دوائر ونسلقوها مع شوية الملح. - ثاني خطوة كناخدو البصلة كنقطعوها مربعات متوسطين كنحطوها تشحر  مع شوية زيت وكنزيدو عليها الكبدة والتوابل. كناخدو طاوة لي غتدخل الفرن كندهنوها بشوية ديال البيشاميل كنستفو البطاطا ونزيدو فوقها البصلة والكبدة ونغطيو كلشي بالبيشاميل والفرماج حمر. كندخلوها الفر...