ساهلة و لذيذة

السلام عليكم ورحمة الله تعالى وبركاته. اتمنى ان تعجبكم هذه الطريقة في تحضير البان كيك.هو الصراحة انا واحد النهار كنت بغيت نصوب كيكة،وجبدت البيض من الثلاجة وخلطتو مع السكر والزيت و انا نلقى الخمارات مبقاوش ليا وكانت الشتاء بزاااف مقدرتش نخرج لحانوت وانا نقول علاش منخلطش هادشي فحال كيكة نيت او نديرو يطيب فحال البغرير🤔🤔🤔وفالأخير جاني فحال شكل ديال بان كيك.المهم منطولش بزاف نخليكم مع المقادير و طريقة التحضير المقادير 2بيضات 1/2 كأس سكر سنيدة 1/2 كأس زيت 1 فاني 1/2 كأس حليب الطحين الفورص حسب الخليط. طريقة التحضير: نطرب البيض مع السكر والفاني جيدا ثم نضيف الزيت الحليب ثم الطحين الفورص حسب الخليط.(مثل خليط الكيك). بعد ذلك نطيبوه فالمقلة ديال البغرير من الجهتين.ثم نقدمه مع شوكولاطة الدهن او الكريمة او الكراميل.....كل واحد على حسب الذوق. وبالصحة والراحة.